انطالیه — قونیه ولایتنه تابع تکه سنجاغی داخلنده بر قصبه+در
و ازمیرك جنوب شرقیسنده و ایكی یوز اللی میل بعدند اولان انطالیه
لیمانی دروننده واقعدر و اون سكز بیك نفوسی واردر. انطالیه+یی
) پرغام) یعنی برغمه حكمدارلرندن ایكینجی (رومن) (٥٤٠١ خ) تاریخنده
یعنی میلادك یوز طقسان اوچ سنه مقدمنده یاپدیروب پدری (انتال)ك
نامنی ویردی و روما ایمپراطورلرندن (ادریا)نك شرفنه بر طاق ظفر
یاپدیردی. بو شهر طبقه طبقه ایكی قات سور ایله احاطه اولنمش و سورلرك
بربرندن بعدی التمش ذراع بولنمشدر اطرافنده+كی بوستان و بغچه+لرده
پك كوزل میوه و سبزه و اراضیسنده پموق و افیون و خرنوب و لیمون
و طوت و سائره یتشمكده و طوز و قطران و كراسته چیقمقدە+در.
٧٩٠ م و ١٧٤ ه) تاریخنده عساكر اسلامیه+نك اشبو انطالیه یاننه
اینوب استانبول ایمپراطورینك موجود اولان دوننمه+سنی كاملاً احراق
ایلدیكی تاریخده محرر ایسه ده بو وقعه+نك خلیفه )مهدی) زماننده یعنی
هجرتك یوز التمش بشنجی سنه+سنده اولمسی دخی مأمولدر.
اسكی انطالیه دنیلان (سیدا) شهر عتیقنك خرابه+سی كوپری صوینك
بحره منصب اولدیغی محلده حالا كورلمكدە+در.