انطاكیه - حلب ولایتی داخلنده و (اورونت) نهری كنارنده
بر شهر شهیردر الیوم اون یدی بیك اهالیسی واردر وقتیله اطرافنده
دفنه اغاجی چوق اولدیغندن یونانیلر (دفنه) دیرلر ایدی. بونی سلفكیان
یاخود سلوسید دولتی حكمدارلرندن (انتی یوخون) نامنده بر ذات
یاپدیروب حضرت (عمر) رضی الله عنه زماننده ید اسلامیانه كچمش و بر
مدت مصرلولر اداره+سنده قالوب (١٥١٧ م و ٩٢٢ ه) تاریخنده دولت
علیه+یه انتقال ایتمشدر.
انطاكیه یونانیلر زماننده ایكیوز بیك نفوسی جامع وحلبدن معمور و خیلی
زمان ایمپراطورلره پای تخت اولمش بر شهر جسیم اولوب ایچنده
)آپولون)ك بر بیوك هیكلی وار ایدی لكن سلوسیدلرك و فرس
حكمداری (شابور) و سائرە+نك هجمات شدیده و متوالیه+سی و بالدفعات
وقوعبولان حركت ارض بلیه+سی ایله خراب اولمش و اولكی حالنه نسبتله
شمدی قریه حكمنده قالمشدر.
آق شهردن طاغه طوغری التی ساعت كیدلدكده وقتیله اوراده دخی
)انطاكیه پیسیدیام) نامنده بر شهر وار ایدی و الیوم نصیبین دینلان
شهرك اسمی دخی مقدما (انطاكیه مغدونیا) ایدی. انطاكیه+ده پك
چوق ایپك و زیتون یاغی و صابون تجارتی اولور.