ابن حاجب — مشاهیر علمای عربدندر و اسمی عثمان. کنیه+سی
ابو عمر و مسقط رأسی صعید مصردر. پدری ملوك ایوبیۀ مصریه+دن
امیر عزالدینك حاجبی اولدیغی حالده كندوسی كنج یاشنده تحصیل علومه
هوس ایدرك از وقت ایچنده اكماله موفق اولمش و خیلی زمان قاهره+ده
فاضلیه مدرسه سنده و بر مدت شام شریفده جامع امویه ده تدریس ایله اشتغال
ایدرك علامه عنوان جلیل الشاننی قزانمشدر. علم تصریفدن(كافیه)
و( شافیه) و علم اصولدن (منتها) كتابلرینی بو ذات تألیف ایتدی
و شاكردلرینك اثنای مصاحبتده وقوعبولان سؤاللرینه ویردیكی جوابلر
مؤخراًً تدوین اولنه+رق (امالئ ابن حاجب) تسمیه اولندی بو كتاب
هر فنی و متنوع مسائلی جامع بر اثر جلیل اولدیغندن بین العلماء مشهور
و معتبردر و لسان عربیده مستعمل اولان منت سماعیلری نظماً بیان ایتمشدر
و بونلردن بشقه داها پك چوق تألیفاتی واردر. مشارالیهك كنج یاشنده
سیاسةً قتل اولندیغی روایت اولنیور ایسه ده یتمش یاشنده ایكن (١٢٤٨ م و ٦٤٦ ه) تاریخنده اسكندریه+ده خسته لنوب وفات ایلدیکی دها موثوقدر.