آندولژاس — پاپالرك و پاپاسلرك یاپدقلری مغفرته ویرلمش بر
نامدر. بو مغفرت كنهكارلرك كناهلرینه كوره دوچار اوله+جقلری
عقوبات دنیویه+دن بر مقدارینی یاخود كافه+سنی عفو ایتمك دیمك ایسه ده
بعض شرائطی واردر شویله كه پاپاسلر مغفرت ایسته+یان كنهكلرلره
توبه ایتدیردكدن صكره حال و اقتدارینه كوره بعضیلرینه پرهیز و دعا
و بعضیلرینه اعطای صدقات و عزم زیارات و بعضیلرینه دخی كلیسا
و خسته+خانه و مكتب اعانه+سی كبی حسنات امر ایدرلر لكن عمومی مغفرت
یالکز پاپالره منحصردر. مثلا (١٠٩٥ م و ٤٩٠ ه) تاریخنده پاپا
بولنان ایكنجی (روبن)ك قدس شریفی اسلامك الندن قورتارمق ایچون
سلاح طوته+جق آدملره عفو عمومی اعلان اتمسی و اون التنجی عصرده
پاپا بولنان (ژول ولیون)ك روما بیوك كلیساسی مصارف تعمیریه+سنه
یاردم ایده+جكلره عفو عومی وعد ایلمسی كبی (اشته بو حاللر پروتستانلغك
موجدی اولان (لوتر)ه وسیلۀ اعتراض اولمشیدی.