) اندلس یاخود (اندلوزی) — الیوم اسپانیا دولتی زیر
ادارە+سنده بر قطعۀ جسیمه+در. بو قطعه (پورتكیز) و (استرامادور) و
)یکی قستل) اراضیسی بیننده طولاً درتیوز قرق و عرضاً ایكی یوز التمش
كیلومترو و سعتنده بر ولایت اولوب مركز ادارە+سی )اشبیلیه) شهریدر
و اهالیسی بر ملیون سكز یوز بیك تخمین اولنمقدە+در هواسی غایت
لطیف و صیجاق اولدیغندن هر درلو محصول و پورتقال و لیمون و خرما
و شكر قامشی كبی افریقا محصولاتی یتشمكدە+در. اندلس ابتدا (فنیكه+لو)ك
و (قارتاچلولرك) و رومالیلرك زیر اداره+سنه كچوب اندن صكره.
) واندال)لره انتقال ایلدی و وانداللر مقر اداره+لری اولان شهره (واندالیتیا)
تسمیه ایلدكلرندن بو اسم صكره عموم ولایته و دها صكره بالتحریف قطعۀ
مذكوره+یه نام مخصوص (اندلس) اولدی. اسلامك اندلسی استیلای
باشلامسی (٧١٠ م و ٩٢ ه) تاریخنده و كاملاً انقراضی (١٤٩٢ م و ٨٩٨ ه)
) تاریخندە+در مدت استیلا ایكی سنه+دن عبارت اولوب اندن
صكره بر طرفدن استحصال اسباب مدنیته و دیكر طرفدن مدافعۀ اعدایه
همت و فرصت و مناسبت دوشدتجه فرانسه و پورتكیز ممالكندن دخی
بعض قلاع و بقاعك ضبط و تسخیرینه غیرت ایلمشلردر. اولوقت
اندلس دنیلان قطعه شمدیكندن بر قاچ قات بیوك ایدی و (قرطبه) و
)مارده و (سنترین) و (طلیطله) و (سرقسطه) و )بلنسیه) و
)مرسیه) و (غرناطه) كبی اك بیوك شهرلرده و بونلرك مادوننده+كی سكسان قدر
قصباتده و رأس قضا حكمنده اولان اوچیوز قدر كوچك قصبه+لرده و بر
قاچ یوز بیك نواحی و قراده ساكن و زراعت و تجارت و صنایع و معارف
ایله مشغول اولان هر صنف اهالینك مقداری تخمیناً قرق بش ملیون
راده+سنده ایدی.
اندلس دولت اسلامیه+سنك اك وسعتلی زمانلرنده جمعه كونلری اوچیوز
بیك خطیبك منبره چیقوب خطبه اوقودیغی مرویدر بورادن
)ابو الفضل عیاض) و (محیی الدین بن العربی) و (ابو بكر العربی)
و (ابن بیطار) و (ابوالخیان) كبی نیجه بیك عالم و فاضل یتیشوب نام
و شاننی شرق و غربه ایشتدیرمشدر.
لكن سكز یوز تاریخ هجریسندن صكره اسلامك اورالرجه شوكت و اقبالی
عدم اتحاد و تعدد حكومات سیئه+سیله انحطاطه یوز طوتوب نهایت باباسی
محارباتله مشغول ایكن تختنی غصب ایدن خائن )عبدالله الصغیر) زماننده
یعنی (١٤٩٢ م و ٨٩٨ ه) تاریخنده منقرض اولمشدر. محرر اولان
اسامی+یه دخی مراجعت بیوریله