آنتی بوخوس —اپیقان — بو دخی سلفكیان یاخود )سلوسید)
دولتی حكمدارلرندندر بونك یهودیلره اولان خصومتی و یهودیلرك بوندن
توحشله بر اختلال چیقرمغه استعدادی كون بكون قوت بولدیغندن مرقوم
٥٤٢٦ خ) تاریخنده یعنی میلادك یوزالتمش سكز سنه مقدمنده كیدوب
قدس شریفی اوردی و بیت مقدسی یغما ایتدیردی و مذهب یهودیه+یی بتون
بتون اورته+دن قالدیرمق ایچون یهودیلرك كندو صنمنه پرستش اتملرینی و خنزیر
اتی یمه+لرینی امر و خنانی منع ایدوب موجبنجه عمل ایمیانلری اعدامه قالقشدی
و نقدر تورات نسخه+سی وارایسه جمله+سنی كتوروب آتشده یاقدی یهودیلر
بو درجه ظلم و تعدی و شدته تحمل ایده+مدكلرندن شواهق جباله چكلدی
اپیقا+نك عسكری قدس شریفدن چیقدیغی كبی ) مطاطیه) نامنده بر خاخام
خررج ایدوب اپیقانك براقدیغی مأمورلری كاملاً قتل و طرد و (حشمنای)
نامنده بر حكومت یهودیه تشكیل ایتمش و بو حكومت (٥٤٢٩ خ) تاریخندن
یعنی میلادك یوز التمش بش سنه مقدمندن اعتباراً ایكیوز اوتوز بش سنه
دوام ایلمشدر.