آنتی یوخوس — بو دخی سلفكیان یاخود (سلوسید) دولتی
حكمدارلرندندر. بو بیچاره (٥٤٠٦ خ) تاریخنده یعنی میلادك یوز سكسان
سكز سنه مقدمنده جلوس ایتدكدن براز صكره روما دولتنه مغلوب اولدیغندن
برچوق ممالك تركیله و كلیتلو تضمینات اعطاسیله عقد مصالحه+یه مجبور
اولدی لكن تضمینات مذكوره+یی تدارك ایچون كلیسانك مجوهرات
و سیم وزرینی كاملاً اخذ و تلف ایلدیكندن طولایی بین الاهالی حاصل اولان
انفعال و نفرت عاقبت خلع و اعدامنه سببیت ویردی