آنتی یوخوس — سلفكیان یاخود (سلوسید) دولتی حكمدارلرندن
اولان اشبو ایكنجی انتی بوخوس(٥٣٣٢ خ) تاریخنده یعنی میلادك
ایكیوز التمش ایكی سنه مقدمنده تخته جلوس ایتدی و آرە+دن التی سنه
كچر كچمز زیر حمایه+سنده اولان (طبرستان) ولایتندن )ارشك) نامنده
بر صاحب خروج ظهور ایدوب (ارشكانیان) دولتنی تشكیله باشلادی
و انتی یوخوس بر مدت مرقومك هجمات متوالیه+سنه و بر مدت دخی
مصرلولرك تجاوزاتنه قارشو تداركات و محاربات ایله اوغراشدیغندن
تاب و توانی كسلدی و مصرلولره مغلوب اولدیغی جهتله مصر
حكمدارینك قزینی تزوج ایتمك و اندن حاصل اوله+جق چوجق (سلوسید)
حكومتنه ولی عهد ایدلمك كبی نتیجه+سی وخیم شرائطی قبول ایله عقد
مصالحه+یه مجبور اولدی و استر استه+مز قزی آلدیسه ده بو مناسبتله
تطلیق ایلدیكی اسكی قاریسی ایلروده ظهوری ملحوظ اولان مضرته میدان
قالمامق و قوجه+سندن انتقامنی آلمش اولمق اوزره بیچاره انتی یوخوسی و متعاقباً
مصرلی قزی تسمیم ایدوب كندو صبی اوغلنی تخته اوطورتدی و هركس
بو تدبیر و اجراآتدن ممنون اولدی