لغات تاریخیه و جغرافیه

Lugat-ı Tarihiyye ve Coğrafiyye

آنتی غون/ انتی یوخون

Antigon

آنتی غون یاخود (انتی یوخون) — اسكندر رومینك مشهور جنراللوندندر. اسكندرك وفاتیله ممالكی جنراللری بیننده تقسیم اولندیغی صره+ده بونك حصه+سنه دخی (لیدیا) و (پامفیلی) و (فریكیا) ولایاتی اصابت ایتمش ایدی مرقوم ولایات مذكوره+نك زمام اداره+سنی النه آلدقدنصكره میلادك اوچیوز بر سنه مقدمنده ارقداشلرندن سلوكوسك ممالك مصیبه+سنه دخی كوز دیكه+رك تجاوزاتنه باشلادی و اسیای صغرانك یوقاریلرینه و سوریه+یه طوغری اپیجه یر قزاندیسه ده صوكنی كتوره+مدی و عاقبت سلوكوسك طرفدارلری اولان مصر و یونانستان و تراس حكمدارلرینك معاونتیله وقوعبولان (ایپسوس) محاربه+سنده قتل اولنوب غوغای جهاندن قورتلدی