آنتی پاطری — ماكیدونیا قرالی فلیبیك و اوغلی مشهور اسكندر
رومینك اخص وكلاسندندر. اسكندر رومی عجملرله محاربه ایتمك
اوزره آسیایه كتدیكی زمان بونی وكیل دولت اوله+رق ماكیدونیاده براقمشیدی
مومی الیه اواثناده ماكیدونیایه تسلط ایدن آتنه+لولری دفعد و خصوصات
مهمۀ سائره+ده پك چوق همت و غیرت ایتدی و اسكندر بابلده وفات ایتدكدن
صكره بر مدت دخی صبی اوغلنه ماكیدونیاده وسایت ایلدی. (انتی پاطری)
آسیای صغری و مصر و ایران و تركستان مماكیله هندستان حدودلرینه قدر
استیلا اولنان محللرك بر مدت نوعما مرکز ادارە+سی حكمنده طوتیلان ماكیدونیا
قراللغی وكالتنی ایجاب حال و زمانه كوره پك كوزل اداره ایتمكده ایكن
خسته+لنوب كندو اقرانندن یعنی اسكی جنراللردن ) پولیسپرسون)ی جلب
و وصایت مذكورەیی اكا تودیع و وصیت ایلدكدنصكره ٥٢٧٥ خ
تاریخنده یعنی میلادك اوچیوز اون طقوز سنه مقدمنده آخرته كیتدی
و اوغلی (قساندری) وصایت بنم حقم ایكن پولیسپرسونه ویرلدی بن حقمی
آلورم دیه+رك قالقوب و برچوق طرفدارلر پیدا ایدوب وصی مومی الیه ایله
برقاچ سنه+لر محاربه ایتدی عاقیت (٥٢٩٣ خ) تاریخنده یعنی میلادك
اوچیوز بر سنه مقدمنده ماكیدونیا و یونانستان قرالیتنی قزاندی لكن چوق
خسار و غدرلر وقوعبولدی