انتیل اطه+لری — آمریقا جوارنده التمش بر ایله سكسان یدی طول )
غربی بیننده و (مكسیقا) كورفزندن (ماراقایبو) كورفزینه قدر بر خط منحنی
شكلنده واقع اولوب بیوك و كوچك ناملریله ایكی+یه تقسیم اولنمش و (كوپا)
و (سن دومتقو) اطه+لری اك بیوکی بولنمشدر. بونلرك كافه+سی بو دولت
ادارە+سنده اولمیوب بر طاقمی انکلیزلرده و بر چوغی فرانسزلر و اسپانیوللرده
و سائر بعض دولتلردە+در و جمله+سنك نفوسی درت ملیون اوچیوز بیك
تخمین أولنمقدە+در. (انتبل) اطه+لرینك سنه+ده بری چوق یغمورلی و دیكری
غایت یابس و صیحاق ایكی فصلی و پك شدید فورتنه+سی و مهلك بر نوع صاری
حما علتی واردر لكن اراضیسی اولدقجه منبتدر. آمریقایی كشف
ایدن (خرستو قولومبو) ابتدا بو اطه+لردن (غنه هان) اطه+سنی كشف
ایدرك یناشمش ایدی