لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
انبساط
İnbisat
انبساط — حكمت طبیعیه+ده اجسامك حرارت واسطه+سیله حجملرینك بیومسنه دنیلور و طولاً انبساطلرینه انبساط طولانی و هر طرفه انبساط جمی اطلاق اولنور. اجسامك صفر درجۀ حرارتله یوز درجۀ حرارت اراسندە+کی مقدار انبساطلری درجۀ حرارتلریله متناسب ایسه ده درجۀ حرارت یوزی تجاوز ایتدیكی حالده اشبو تناسب مختل اولور. معادنك انبساط و انقباضلرینك بیلنمسی ارباب صنایعه كوره لازمدر مثلا چلار ساعتمرده حرکتی تنظیم ایدن رقاصك انبساطی تعدیل اولنمدقجه سعۀ رقصلری منتظم اوله+مز. علی العموم مایعاتك انبساطی اجسام صلبیه+دن زیاده اولدیغی ترمومترونك هر بر درجه+سنده مقداری مختلف اولمسیله اكلاشیلور. و بتون مایعاتدن جیوه+نك انبساطی اك زیاده منتظم بر حالده بولندیغندن ترمومترولرده جیوه استعمال اولور