انبار — بغدادك جهت غربیسنده و التمش بش كیلومترو یوقاروسنده
و فرات نهرینك غرب جهتنده بر شهردر. بوراسنی بخت نصر انشا ایتدی
و اهل حیره اورایه نقل اولندی دیرلر. انبار شهری (ابو بكرالصدیق)
رضی الله عنه زماننده یعنی هجرت نیویه+نك اون ایكنجی سنه+سنده خالد بن
ولید حضرتلری یدیله فتح اولنمش و (٧٤٩ م و ١٣٢ ه) تاریخنده خلفای
عباسیه+نك برنجیسی اولان (ابی العباس السفاح) حیرەدن بورایه كلوب
حكومته باشلامش و منصور پای تختنی بورادن هاشمیه+یه و اورادن بغداده
نقل ایلمشدر. شمدی انبار كوچك بر قصبه+در