اناطولی — یكرمی درت ایله اوتوز طقوز طول و اوتوز التی ایله
قرق ایكی عرض آره+سنده اولان و آسیای صغرانك قسم غربیسندن عبارت
بولنان قطعۀ جسیمه+نك اسمیدر. بو قطعه+نك اوچ طرفی آق دکز و قره دکز
و اطه+لر و مرمره دكزلری ایله محاط اولوب یالكز شرق جهتی كردستان
و حلب ولایاتی حدودلرینه كسب اتصال ایتمشدر. اناطولی نامی
بعضاً كردستان و حلب و موصل و سوریه ولایتی داخل اولدیغی حالده
جمله+سنه بردن دخی اطلاق اولنور. اناطولینك غرب جهتنده اولان
) خداوندكار) و (آیدن) و شرق جهتنده اولان (ارضروم) و(خربوت)
و (دیاربكر) و شمال جهتنده اولان (قسطونی) و ) طربزون) و (سیواس)
و (انقره) و جنوب جهتنده اولان (قونیه) و (اطنه) ولایتلرینك مراكز
و بعض ملحقاتی محللرنده مذكور اولدیغندن اورالره مراجعت بیوریله