لغات تاریخیه و جغرافیه

Lugat-ı Tarihiyye ve Coğrafiyye

امین

Emîn

امین — خلفای عباسیه+نك التنجیسی و هارون الرشیدك برنجی اوغلیدر. هارون الرشید وفاتنه یقین ممالك عباسیه+یی اوچ اوغلنه تقسیم ایتدیكی صره+ده بوكا دخی عراق والیلك یاخود امارتنی ویرمش ایدی بو ذات پدرینك وفاتندنصكره بغداد تختنه قناعت ایتمیوب حصه+سنه آسیای وسطی امارتی دوشمش اولان برادری (مأمون)ك ممالكنی دخی استیلایه قالقشدیغندن بینلرینه نفاق كیردی و برقاچ دفعه محاربه وقوعبولدی و نهایت (٨١٣ م و ١٩٨ ه) تاریخنده مأمون غلبه ایدوب عراق ممالكنی دخی قبضۀ تصرفنه آلدی و بغداد تختنه اوتوروب عدم امنیت جهتیله امینی اعدام ایلدی مأمون كلمه+سنه دخی نظر بیوریله