امید یرونی — آفریقا قطعه+سنك منتهای جنوبنده و كافرستان
قطعه+سنك جنوب غربیسنده انكلتره دولتی مستملكاتندن بر ولایتدر مقر حكومتی
)قاب تون) شهری اولوب عموم ولایتنده اكثریسی اسلام اولمق اوزره
یدی یوز بیك نفوس تخمین اولنمقدە+در. امید برونی (١٦٠٠ م و ١٠٠٩ ه)
تاریختده فلمنكلولرك و التی سنه صكره انكلیزلرك حمایه+سی
التنه كیردی. اشبو امید برونی ایله برابر بش ولایتی جامع اولان
قطعه+یه (قاب) تعبیر ایدرلر بونلرك كیمی انكلیزلرك حمایه+سنده و كیمی
طوغریدن طوغری+یه اداره+سندەدر. اشبو امید برونی و حوالیسنده
ماپسدن اغستوسه قدر شدتلی یغمورلر یاغار و قیشی بو موسمده اولور.
امید برونی اهالیء اسلامیه+سی بیننده اللی سنه+دنبرو باعث نزاع و قتال
اولان اختلافات مذهبیه+نك ازاله+سیچون انكلتره دولتی (١٨٦٢ م و ١٢٧٩ ه)
تاریخنده دولت علیه طرفندن بر عالم استدیكنه بناء مدرسیندن طاغستانی
بكر افندی كوندرلمشیدی افندی مومی الیه برقاچ سنه اوراده اوتوروب
اهالیء مرقومه+نك اعتقادینی تصحیح ایتدی و ویردیكی نصایج و مواعظك
تأثیریله اختلافات مذكور كلیاً بر طرف اولدی