امویه — چهار یار كزین رضوان الله تعالی علیه اجمعین حضراتنك
خلافت سنیه+لرندن صكره شام شریفده تشكل ایدن برنجی حكومت
اسلامیه+در. زمان مشار الیهمده شام والیسی بولنان )معاویه)
حضرتلری خلیفۀ رابع جناب علی المرتضی ایله صفین محاربه+سنی یاپوب عقد
مصالحه ایتدكدن صكره سلطنتی قوردیسه ده اصل سلطنتی یعنی حكومت
مذكوره+نك تشكلی درت سنه صكره (٦٦١ م و ٤١ ه) تاریخنده جناب حسن
بن علی المرتضانك حق خلافتی معاویه+یه ترك و فراغندن اعتبار اولنور.
دولت امویه+نك طقسان بر سنه+دن عبارت اولان مدت سلطنتلرنده اون
درت پادشاه كلوب (٧٤٩ م و ١٣٢ ه) تاریخنده عباسیلر یدیله منقرض
اولدیلر ایسه ده عبدالرحمن بن معاویه بن هشام بن عبدالملك نام قهرمانك
اندلسده تشكیل ایلدیی حكومت امویه(١٠٣١ و ٤٢٣ ٥) تاریخنه
قدر دوام اتمشدر. (امیه) و (معاویه) كلمه+لرینه دخی نظر بیوریله