ابن بطوطه — ادبای امتدن و سیاحین عربدن بر ذاتدر مغربده
واقع(طنجه) شهرنده دنیایه كلوب بعدالتحصیل مصر و ایران و سوریه
ممالكنی و دیار عرب و چین و تاتارستان و هندستانی و بحر محیط هندی
جزایرندن بعضیلرینی و افریقا و اسپانیا ایچرولرینی كزوب مشهوداتنی تحریر
ایتمش و سنی یتمش التی یه بالغ اولدیغی حالده (١٣٧٨ م و ٧٨٠ ه) تاریخنده
وفات ایلمشدر. بلاد شرقیه+ده شهرتی شیخ شمس الدین ابو عبدالله ایدی