لغات تاریخیه و جغرافیه

Lugat-ı Tarihiyye ve Coğrafiyye

امنوفیس / امنوف

امنوفیس یاخود (امنوف) — اون سكزنجی سلالۀ فراعنۀ مصریه+دن بو نامده درت حكمدار كلمشدر اوچنجی امنوفیسك سلطنتی حضرت موسی علیه السلام زماننه تصادی ایلیور ایسه ده (٣٩٤٩ خ تاریختده یعنی میلادك بیك التیوز قرق بش سنه مقدمنده وقوعبولان خروج موسی علیه السلامده غرق اولان فرعون بو میدر یوخسه اوغلی (خروس) یاخود (هوروس) میدر كسدیریله+میور. اشبو اون سكزنجی سلالۀ فراعنه (٤٠٩٤ خ) تاریخنده یعنی میلادك بیك بشیوز سنه مقدمنده و دردنجی (امنوفیس) زماننده ظهور ایدن بر اختلال مذهبیه نتیجه+سنده منقرض اولدی. اولوقت مصر فرعونلری مصرده واقع )تب) شهرنده اوتوردقلری حالده اشبو امنوفیسلردن بری منفس یعنی منف شهرینی یاپدیروب پای تختنی اورایه نقل ایلدی