امسوس — طوفاندن اول مصرك برنجی حكمداری بولنان
)نقراوس الجبار)ك مصرده بنا و پای تخت اتخاذ ایتدیی شهرك اسمیدر.
مرقومك بو شهرده بر طاقم عجایبات احداث ایلدیكنی افسانه قبیلدن
اوله+رق یازییورلر. برنجیسی یاپدیردیغی بر قوش رسمی هركون طلوع
و غروب شمسده ایكی دفعه ایصلق چالار و هركس او ایصلقدن احكام
چیقارر و عمل ایدر ایمش. ایكنجیسی وسط بلده+ده قارشو قارشویه سیاه
طاشدن یاپدیردیغی ایكی پت مملكته داخل اولان خرسزلری بهمه حال
آره+لرندن كچورمكه مجبور ایدر و كچركن صقشدیرر ازر ایمش. اوچنجیسی
بر عالی مناره+نك اوزرینه باقردن یاپدیردیغی بر تمثالك اوزرنده دائما بر یغمور
بلوطی طورر و یغمور لزوم اولدیغی وقت اندن طلب اولنور و درحال
مطلوب حاصل اولور ایمش. دردنجیسی بلدۀ مذكورە+نك سوری
اوزرینه وضع اولنان ایچی كبریت طلولو تپلر مملكته سوء قصد ایدنلری
احراق ایلر ایمش. بشنجیسی پطراس طاغی اوزرینه یاپدیردیغی بر
قله+دن دائما صو فوران ایدر و اطرافنده اولان مزارع اول صو ایله
صولانور ایمش. بونلرك كافه+سی و شهر مزكور طوفانده محو و نابدید
اولمش ایمش