امستردام — فلمنك دولتنك اسكی پای تختیدر. بو شهر اللی ایكی
عرض شمالی ایله ایكی طول شرقیده و پارسك بشیوز قرق ایكی كیلومترو
بعدنده بر شهر شهیردر و نفوسی ایكیوز التمش بشبیك رادەسندەدر و لیمانی
بیك سفینه آلور درجه+ده واسع و معتبردر و خانه+لری كاملاً قازیق اوزرنده
اولوب محلاتی برچوق قنالره منقسم اولدیفندن طقسان عدد اطه حاصل
اولمش و بو اطه+لردن بربرینه كچمك اوزره ایكیوز طقسان عدد كوپری
یاپلمشدر. بوراسی اوچنجی عصر میلادیده بر كوچك قصبه اولدیغی حالده
تدریجاً بیویوب (١٤٨٤ م و ١٢٠٢ ه) تاریخنده اطرافنه بر سور چكلدی
) و (١٥٧٨ م و ٩٨٦ ه) تاریخنه دكین اسپانیا دولتنه تابع ایكن تاریخ مذكورده
استقلال بولدی و (١٧٨٧ م و ١٢٠٢ ه) تاریخنده پروسیا دولتنه و طقوز
سنه صكره فرانسه دولتنه کچوب (١٨٠٨ م و ١٢٢٣ ه) تاریخنده مجدداً
تشكیل اولنان فلمنك دولتنه انتقال و دولت مشار الیها پای تخت اتخاذ ایلدی
پای تخت مذكور ایكی سنه صكره (حایی) شهرینه نقل اولنمشدر