آمریقا — قطعات خمسه ارضك دردنجیسی و آسیادن صكره.
اك بیوكیدر. اشبو قطعه (پانامه) دیلیله بربرینه متصل و شمالی
و جنوبی ناملریله ایكی+یه منقسم بر قطعه جسیمه اولوب شمال قسمنك طولی
التی بیك یدییوز و عرضی بشبیك ایكیوز و جنوب قسمنك طولی بشبیك
ایكیوز و عرضی درت بیك كیلومترودن عبارت بولنمشدر.
آمریقاده پك چوق كوللر و ینارطاغلر و التون و كموش و باقر و جیوه و تیمور
معدنلری موجود اولدیغی كبی (بره+زلیا) و (پرو) جهتلرنده الماس و سائر
ذیقیمت طاشلر دخی بولنور و اراضیسی اکثریتله منبت اولوب نفوس
موجوده+سی بوندن یتمش سكسان سنه اول اوتوز سكز ملیون ایكن مؤخراً
اوروپالیلرك پیدرپی هجرتی مناسبتیله طقسان بش ملیونه بالغ اولدیغی
و كیدرك داها زیاده+لشه+جكی تخمین ایدیلور. آمریقا برنجی دفعه
اوله+رق (١٤٩٢ م و ٨٩٨ ه) تاریخنده سیاحین بحریه+دن جنوه+لی
)خرستو قولومبو) معرفتیله و اسپانیوللرك معاونتیله كشف اولندیسه ده
بره+زلیا) جهتندن اصل كشفی (١٥٠١ م و ٩٠٧ ه) تاریخنده
پورتكیزلی (آمریقو) و رفیق (سپوچی) معرفتلریله وقوعبولمش و عموم
قطعه+یه اشبو (آمریقو)نك نامی ویرلمشدر. آمریقای شمالیده انكلتره
دولتی اداره+سنده بولنان ممالكدن بشقه جمهوریت وجهله اداره اولنان
ممالك (جماهیر متفقه) و (مكسیقا) و (غواتملا) و آمریقای جنوبیده
)قولومبیا) و (پرو) و (ولونیا) و (بلاتینا) و (شیلی) اولوب
بونلردن بشقه دها برچوق حكومات صفیره واردر