امام رازی الجصاص — فقه حقینده امام كبیر الشاندر.
علم فقه و زهد و ورعده زماننك فریدی ایدی. بو ذات (٩٣٦ م و ٣٢٥ ه)
تاریختده بغداده كلوب شیخ ابوالحسن كرخی+دن علم فقهی اكمال ایتدكدن
و اهوازه كیدوب كلدكدن صكره حاكم نیشابوری ایله نیشابوره كتدی
و ابوالحسنك وفاتی عقیبنده ینه بغداده عودت و تدریس علومه همت ایدوب
بغدادك رئیس العلماسی اولدی و سنی التمش بشه بالغ اولدیغی حالده
(٩٨٠ م و ٣٧٠ ه)
تاریخنده وفات ایلدی. (احكام القرأن) و (مختصر
اختلاف الروایات) و (شرح مختصر الكرخی) بونكدر و (٨٧٣ م و ٢٦٠ ه) تاریخنده وفات ایدن ابو بكر احمد بن عمرو الخصاف الحنفینك
تألیف ایتدیكی (ادب القاضی) نام كتابه دخی بر كوزل شرح یازمشدر.
ذكر اولنان اختلاف الروایات ابی جعفر الطحاوینك تألیفاتندندر