امام الحرمین — مصنفین كرامدن بر مبارك ذاتدر مسقط رأسی
) نیشابور) واسمی (عبدالملك ضیاءالدین)در. بو ذات فرط معلومات
و کثرت محفوظات ایله مشهور بر ادیب نادر الاقران و اصول و فروع و كلام
وسائره ده امام جلیل الشان ایدی. بغدادده تحصیل كمال ایتدكدنصكره
حرمین الشریفینه كلوب اقراننه تفوق ایلدی و درت سنه+دن عبارت
اولان مدت اقامتنده مذاهب اربعه+دن سؤال اولنان مسائلك كافه+سنه موافق
شرع شریف جواب یازدیغیچون امام الحرمین نامنی الدی و صكره نیشابوره
كیدوب نظامیه مدرسه+سنده تدریس و تصنیفه همت و اطرافدن كلان
دهریلرك مشكل سؤاللرینه متین جوابلر ویره+رك دین مبینه كوزل خدمت
ایلدی.
اوزاق و یقین محللردن درسنه كلنلر چوغالوب هر بری بر فندن اوقومق
استدیكندن و كندوسی دنی بشقه بشقه اوقوتمغه میدان بوله+مدیغندن
كافه+سنی بردن بر مجلسده اوقوتمغه مجبور اولدی. (نهایة المطلب فی درایة
المذهب) و (كتاب الشامل فی اصول الدین) و )البرهان فی اصول الفقه)
و (تلخیص الفریب و الارشاد) و (غیاث الامم فی الامامة) و (مغیث الخلق
نی اختیار الحق) و (غنیة المستر شدین) نام كتابلر بونكدر وفاتی (١٠٨٥ م و ٤٧٨ ه) تاریخنده+در