امام البخاری — قدمای محدثین كرامدندر و اسمی (محمد) و شهرتی (الحافظ ابو عبدالله بن اسماعیل الجعفی)در. مشارالیه تحصیل و تحقیق
و تصحیح احادیث ضمننده خراسان و جبال و عراق و حجاز و سوریه و مصر
ممالكنی كشت و كذار ایدرك كتب سته+نك برنجیسی اولان جامع الصحیح)
نام كتاب مستطابی اون التی سنه+ده جمع و ترتیب بیوردی و بغدادده یكرمی
بیك عالمك اجتماع ایتدیكی بر مجلس عالیده علم حدیثدن امتحان اولوب فضل
وكمالنی و كتابنك سائر كتب احادیثه رجحاننی تصدیق ایتدیردی.
كتاب مذكوردن بشقه دها پك چوق آثاری و بر تاریخی واردر (٨٦٩ م و ٢٥٦ ه)
تاریخنده سنی التمش ایكی+یه بالغ اولدقده سمرقندك ایكی فرسخ
ایلروسنده واقع (خارتنك) قریه+سنده وفات ایدوب اورایه دفن اولنمشدر
و دیكر روایته كوره وفاتی (٢٥٣ ه) تاریخنده+در. مشارالیهك حفظنده
یوز بیك صحیح و ایكییوز بیك موضوع حدیث وار ایدی و نصحیح ایتدیكی
احادیث نبویه+یی آبدست آلوب ایكی رکعت نماز قیلمدقجه كتابنه یازمز
ایدی دیرلر