اماسیه — سیواس ولایتی داخلنده بر سنجاق مركزیدر
اماسیه شهری صامسون اسكله+سنك جنوبه طوغری یوز اوتوز اوچ
كیلو مترو كیروسنده و توقاد نهرینك یاخود یشیل ایرماغك كنارنده و جانیك
طاغلرینك اتكنده+در و تخمیناً اون بیك خانه+سی و متعدد جوامع و مساجد
و تكایا و مدارس و مكاتبی و بر خراب قلعه+سی واردر و بایزید نامندە+كی
جامع شریف پك كوزلدر و وقتیله تپخانه اولان بر بنا شمدی بیمار خانه+در
و آنتقه+لری و محفوظ برقاچ انسان مومیاسی و مملكتك اورته+سندن كچن
صو بوینده قیالرك ایچنه طوغری اویولمش مغاره+لری شایان تماشادر
و بورانك ایپك نجارتی و نسوان و الما و هواسی كوزللكله مشهوردر.
اماسیه (٧٣١ م و ١١٣ ه) تاریخنده فتح اولندی. آیدین سنجاغنده
دخی (اماسیه) نامنده بر قصبه واردر