آمازیس — فراعنۀ مصریه+دندر. بو آدم فرعون (ابرئیس)ك
قرناسندن و امرای عسكریه+سندن اولدیغی حالده تأدیب و اصلاحنه مأمور
اولدیغی (سوه نی بن)لریله برلشوب (٥٠٢٤ خ) تاریخنده یعنی میلادك
بشیوزیتمش سنه مقدمنده ولی نعمتنی خلع و احناق ایدرك تختنه اوتوردی
و كندوسنك غاصب و آحادناسدن اولدیغی سرسی رشته ایله فساد چیقارمسی
مأمول اولان اهالی+یی ایصندیرمق وایتدیكی خیانتی سیندیرمك ایچون
ایاغنی ییقادیغی التون لكنی اریتدیره+رك بر صنم یاپدیروب چارشونك اك غلبه+لك
محلنه قویدردی و اهالینك مذكور صنمه حرمت و پرستش ایتدكلرینی خبر
الدقدن صكره اركان مملكتی حضورینه جلب ایدوب (او پرستش ایتدیككز
صنم بنم ایاغمی یتقادیغم بر لكن ایكن شمدی هیئتی نبدل ایتمكله شایان احترام
اولدی بن دخی فرومایه+دن بر ادم اولدیغم حالده شمدی پادشاهكز بولندیغم
ایچون حرمت و رعایته سزاوارم) دیه+رك بر اوزون نطق ایراد ایتمسی اوزرینه
اهالینك جمله+سی معالممنو نیه حرمت و رعایت و هر حالده اطاعت ایده+جكلرینی
بیان و تعهد ایلدیلر و مومی الیهك مدت سلطنتی اولان قرق درت سنه ظرفنده
پك كوزل كچندیلر و راحت ایتدیلر. دیكر روایته كوره جلوسی (٤٩٢٤ خ)
تاریخنده یعنی میلادك التی یوزیتمش سنه مقدمندە+در. عادل و امور اشنا
و معارف پرور بر ذات ایدی مصر لیمانلرینی یونانیلره سربست براقدیغندن زماننده
مصر تجارتی غایت ایلرو كتدی و ایران حكمراری ) كیخسرو)ك مصر
اوزرینه حمایه+سنی بر درجه+یه قدر طانیدی ایسه ده كیخسروك خلفی لهراسبی
طانیمدیغندن محاربه تحقق ایتدی لكن (امازیس) اول آره+لق وفات
ایلدیكندن محاربه+نك نتیجه+سنی یعنی مصرك مغلوبیتنی كورمدی