) آمازون — آمریقای جنوبیده بر نهرك اسمیدر. بو نهر كرۀ
ارضك اوزرنده اولان نهرلرك اك بیوكی اولوب (آند) دنیلان سلسلۀ
جبالدن و اون بر عرض جنوبی ایله یمش اوچ طول غربیده واقع (الوریقوشا)
نام كولدن چیقوب طول غربی+یه طوغری جریان ایتمكده و خط استوا تحتنده
بحر محیط اطلسه دوكلمكدە+در طولی التی بیك بشیوز و عرضی یوقاریلرده
اوچ ایله بش و اشاغیلرده دها زیاده و بحره منصب اولدیغی محلده ایكیوز
سكسان سكز كیلو مترو و عمق وسطیسی اوچیوز یكرمی بش مترودر و بحره
انصباب ایلدیكی محلده آجی صویی یوز اوتوزبش مترو دفع ایتمكده و دروننده
یدی مترو طولنده بالقلر بولنمقدە+در.
آمازون مسلح قادین جمعیتی دیمك اولوب حین كشفنده نهر مزبورك ساحلنده
برطاقم مسلح قادین جمعیتی كورلمسی مناسبتیله نهره دخی بو نام ویرلمشدر.