ام سلیم _ قانتان صحابیاتدن دیندار و درایتشعار بر خاتوندر
و اصحابدن مالك ابن انس حضرتلرینك والده+سیدر و دول ایكن اسلامك
ظهورنده شرفیاب ایمان اولمشدر. بونی شجعان عربدن و بیله+سی
خلقندن ابو طلحه الانصاری هنوز اسلامه كلمكسزین تزوجه طالب اولدقده
مشار الیها (بن سنی ایستمامزلك ایتمم. سنك كمیسی رد اولنمز لكن سن
مشركسك بن ایسه بحمدانله تعالی مسلمه+یم. اكر مسلمان اولور ایسه+ك
سكا واررم و حتی مهریمی بیله بخش ایدرم. بلمزمیسك
كه+سنك پرستش
ایتدیکك تکری یردن بتر و صکره آنی دلکرلر یونتار بو حالده سن بر تخته
پارچه+سنه طاپمغه اوتانمز میسك دیمسی اوزرینه مشار الیه اوتانوب اسلامه
كلدی و ام سلیمی تزوج بیوردی.
مشار الیها حضرتلری اوغلی انس حضرتلرینی هنوز اون ایكی باشلرنده
ایكن حضور حضرت پیغمری+یه كتوروب (بارسول الله بونی سزه
خدمتكارلق ایتسون دیه كتوردم ومن غیرحد ارمغان ایتدم بنم اوغلم
و سنك خادمكدر اكا دعا ایله) دیه+رك تقدیم ایتمش و افندمز دخی دعا بیورمغله
انس حضرتلری هم طول عمر ایله معمر و همده خارج ازحائط تعداد مال
و اولاده مالك اولمشدر.