ام حبیبه — نبی اكرم افندمز حضرتلرینك زوجۀ محترمه+سی
و رؤسای قریشدن ابو سفیانك كریمه+سیدر اوائل عهد اسلامدە اسلامله مشرف
اوله+رق حبشه هجرت بیورمش و اوراده زوجی وفات ایتمكله دول قالمش ایدی
هجرتك یدنجی سنه+سنده عمر بن امةالصخر حضرتلری دینه دعوتی متضمن
اولان نامۀ جناب پیغمبری+یی حامل حبش ملكی اضخمة النجاشی+یه كیدرکن
مشار الیهانك نفس نفیسنی حضرت پیغمبری+یه عقد ایچون دخی توكیل
بیورلدیغندن نجاشی و مهاجرین اصحاب معرفتیله اوراده عقدی اجرا اولنوب
ملك مشارالیه طرفندن مخصوصاً تهیه ایدیلان كمیلرله نزد حضرت پیغمبری+یه
كوندرلمشدر. مشارالیها غایت دیندار و صلابت شعار بر خاتون ایدی حتی
تجدید عهد ضمننده مدینۀ منوره+یه و خانۀ حضرت پیغمبری+یه كلمش اولان
پدری ابو سفیان فراش سعادت اوزرینه اوتورمق ایستدیكنده اهل ایمانه
مخصوص بر طور ایله پدرینه (سن مشركسك رسول اللهك فراش سعادتنه
نصل اوتوره بیلورسك) دیه+رك منع ایلدیكی كمال خلوص ودیانتنه دلالت
ایدر بر حالت معتبرە+در