لغات تاریخیه و جغرافیه

Lugat-ı Tarihiyye ve Coğrafiyye

الیسع علیه السلام

Elyesa‘ AS

الیسع علیه السلام — انبیای بنی اسرائیلدندر. ابتدالری )الیاس) علیه اسلامه رفاقت ایدوب مشارالیهك رفعندن صكره (٤٧٢٥ خ) تاریخنده یعنی میلادك سكز یوز التمش طقوز سنه مقدمندە رتبۀ نبوته نائل اولدی و پك چوق زمان بعلبك اهالیسنی اصلاحه سعی و غیرت ایدوب لایعد معجزات كوستردی حتی بر دفعه فقر حالندن شكایت ایدن بر خاتونه خانه+كده نه وار دیو سؤال ایدوب بر چناق زیتون یاغندن بشقه نسنسه+م یوقدر دیدكده وار اول یاغی توکننجه+یه قدر بیوك قابلره بو شالت دیمسیله خاتون اولوجهله یاپوب برچوق یاغ حاصل ایتدی و جمله+سنی پازارده صاتوب كفاف نفس ایلدی بر دفعه دخی بر خاتونك وفات ایتمش اولان چوجغنه اغزینی اغزینه ویروب توجه ایتمسیله باذن الله حیات تازه كلدی و بر دفعه دخی آرام ملكنك سوریه+یه تسلط ایده+جكنی و نره+دن كله+جكنی خبر ویردی و ملك مومی الیه مشارالیهك اخبارینی خبرالدیغی كبی اخذ و كرفتی ایچون بعلبكه عسكر كوندروب خانه+سنی صاردیردی لكن مشارالیهك دعاسی بركاتیله هیج برینك كوزلری كورمیوب جمله+سی سامریه+ده حكومت اسرائیلیه+یه اسیر دوشدی. و بر دفعه دخی اوته+دنبرو آجی اولان چشمه+نك صوینی طاتلاندیردی. بو كبی معجزاتی پك چوقدر