ابن ابی داود — دولت عباسیه+ده و خلیفه مأمون و معتصم
و وائق و متوكل زمانلرنده قاضی القضاه رتبه+سنی احراز ایتمش بر ذاتدر
و بونك امور سیاسیه و تدابیر ملكیه+ده صهارتنه و علم و فضل و بلاغتنه دیه+جك
یوغیسه ده صكرە+دن طریق اعتراله سلوك ایله خلفای مشارالیهمی اضلال
ایتمسی و میدانه بر خلق فرأن مسئله+سی چیقاروب ملت اسلامیه یی تفرقه+یه
دوشورمسی و بو اغورده نیجه بیك صلحای اهل سنتی تحقیر و اعدام ایلمسی
بادیء قدح و مذمتی اولمشدر. بو حائن قرأن كریم مخلوقدر دیمیانلری
رسماً حضورینه جلب و هر برینی بر صورتده تحقیر ایتدیكی صره+ده ائمۀ
اربعۀ دیندن(احمد بن حنبل) حضرتلرینی دخی كتوردوب جانلر طیانمز
درجه+ده ضرب و ازعاج ایتمش و سبب موتی اولمشدر(احمد بن حنبل
كلمه+سنه نظر بیوریله) بر دفعه حضورینه علمدن الی باغلی بر پیر كتوردكلرنده
اكا دخی خلق قرأن و رؤیت مسئله+لرنده اعتقاد باطلنی تكلیف ایدوب پیر
دخی بو سزك دیدیككز مسئله+لری حضرت پیغمبر بیلوبده امتنه خبر
ویرمامشمی ابتدا بو سؤالمه جواب رجا ایدرم دیدكده ابن ابی داود پیغیران
كرامه جهل اسنادی جائز اوله+میه جغندن ناچار بیلور ایدی دیدی و پیر دخی
مادامكه بیلور ایدی نیچون امتنه خبر ویرمدی دیمسیله ابن ابی داود حبط
اولدی وخلیفه كوله+رك مجلسدن قالقدی كتدی و پیر دخی بر مقدار عطیه
احسانیله دفع ایدلدی.