لغات تاریخیه و جغرافیه

Lugat-ı Tarihiyye ve Coğrafiyye

الیاس علیه السلام

İlyas AS

) الیاس علیه السلام — بعلبك اهالیسنه مبعوث انبیای بنی اسرائیلدندر. بو ذات عالیقدر ملوك اسرائیلیه+دن (اخاب)ك بعض معاملات بارده+سی اوزرینه بر مدت تنهایه چكیلوب مغارملرده اختیار انزوا بیوردی و بو مدت ایچنده آره صره شهره اینوب ینه اوامر الهیه+یی تبلیغ و نصیحتدن كیرو طورمدیسه ده قبول ایدر كمسه بوله+مدیندن بددعا اتمسیله اوچ سنه یغمور كسیلوب صكره اهالینك استرحامی و مشارالیهك تضرع و نیازی اوزرینه جناب حق احسان بیوردی و بر دفعه دخی مرقوم اخاب دوچار اولدیغی خسته+لكدن قورتیلوب قورتلمیه+جغنی پرستش ایتدیكی )بعلز بوب)دن خبر المق اوزره كوندردیكی آدمه حضرت الیاس علیه السلام بر طاغ اتكنده تصادف و آخازك بو كیدیش ایله وفات ایده+جكنی اقاده و حریفی اعاده اتمسی جهتیله حریف بالعوده كیفیتی آخازه سویلدی اخاز بو نصل آدم ایمش دیو سؤال ایلدكده حریف اوزون صاچلی بلندن مشین ایله باغلی مهیب بر آدم دیمسیله آخاز شمدی بیلدم (تسبیتلی ایلیا) یعنی الیاس علیه السلامدر انی بكا كتورك دیدی و جلبی ایچون ایكی دفعه ارسال اولنان عسكرلر صاعقه اصابتیله محترق اولوب اوچنجی دفعه كوندریلان اللی نفر سوارینك ضابطی رضاسنی تحصیل ایدرك آلدی كتوردی و مشار الیه آخازك حضورینه كیردیكی كبی بیصحابا وفات ایده+جكنی سویلمسی عقیبنده آخاز وفات ایلدی و مشارالیه بو وقعه+دن صكره ینه طاغه چیقوب (٤٧٢٥ خ) تاریخنده یعنی میلادك سکز یوز التمش طقوز سنه مقدمنده رفیقی حضرت (الیسع) علیه السلام ایله )اردن) نهری كنارینه اینوب اورادن جناب حقك امریله سمایه رفع بیورلدی و (الیسع) علیه السلام نبوتله بكام و قائممقام اولدی