آلمانیا — (رین) نهریله (ویستول) نهری بیننده اولان
و بحر بالطغه قدر ممتد بولنان ممالك جسیه+نك نام مخصوصیدر. برنجی
ناپولیون بوناپارطك برطرف اولان غائله+سی عقیبنده یعنی (١٨١٥ م و ١٢٣١ ه)
) تاریخنده روسیه و اوستریا و پروسیا دولتلرینك ویانه+ده
)معاهدۀ مقدسه) نامیله عقد ایتدكلری معاهده ایجابنجه المنیاده اول
وقته قدر مستقلاً اداره اولنان دوقه لقلر و پر نسلكلرك اوتوز درت عددی
برلشدیریلوب (متفقۀ المنیا) یاخود ( متفقۀ جرمنیا) نامی ویرلمش
و پروسیا و اوستریا و فلمنک دولتلری مستقل بالرأی اولمق اوزره بو اتفاقه
داخل بولنمش ایدی اللی بر سنه بو حال اوزره كتدكدن صكره اوستریا
دولتی اتفاق مذكوردن آیرلدیغی كبی پروسیا دخی شمال حكومات صغیره
و پرنسلك و دوقه+لقلرینی طوپلایوب (المانیای شمالی) نامیله بر حكومت
اتحادیه تشكیل ایلدی حمایه+ده اولان (بویرا) قرالیتی و (هس)
بیوك دوقه+لغی و (ورتمبورغ) قرالیتی و (باد) بیوك دوقه+لغی جهت
جنوبیده+در (١٨٧١ م و ١٢٨٨ ه) تاریخنده پروسیالیلرك فرانسزلره
غلبه+سی مناسبتیله (الساس ولورن) ایالتی دخی المانیای شمالی اتحادینه
کچمشدر. پروسیا كلمه+سنه نظر بیوریله