الماس — احجار ثمینه+دن و واپور كموری نوعندن بر طاشدر
بو طاش (برهزیلیا)ده اون التی فرسخ طول و سكز فرسخ عرضنده
)سیرو دومزیو) دنیلان محلده و هندستانده (غانی) اوجاقلرنده و امید
برونی قومصاللرنده و (بورنه ئو) اطه+سنده و سائر بعض محللرده بولنور بونک واپور كموری نوعندن اولمسی مخلیة الهوا فانوسی ایچنده (پرتوسوز)
دنیلان الت واسطه+سیله یاقیله+بیلمسی و یاقلدیغی حالده مائی+یه قریب بر
دومان ظهور اتمسیله ثابتدر.
الماس چیقاریلان محللرده صره ایله بر چوق حوضلر یاپیلوب ایچنه
قونان قوملر صو ایله اجرا اولنور و اقاركن ایچنده+كی الماسلر حوضلرك
مجراسنده موضوع و صفصاف اغاجندن مصنوع شبیكه+لرده قالور.