لغات تاریخیه و جغرافیه

Lugat-ı Tarihiyye ve Coğrafiyye

الكتریق / سیالۀ برقه

Elektrik / seyyale-i berk

) الكتریق یاخود (سیالۀ برقه) — ضیا و حرارت مثللو ًاساسا طبیعیونی بر طاقم فرضیاته دوشورن اشبو سیالۀ برقه+نك موجودیتی میلاددن التی یوز سنه مقدم صاری كهر باده كوریلان و دلك و تماس ایله حصوله كتوریلان جذب فعلیله كشف اولنوب خواص سائره+سی صكرەدن یاپیلان بر طاقم تجربه لرله میدانه چیقارمغه باشلامشدر. برقاچ نوعدن عبارت اولان الكتریقك برنجی نوعی ثابت ویا موزون دنیلان الكتریقدر و بو دخی ایكی قسم اوله+رق برینه الكتریق زجاجی و دیكرینه الكتریق رچنوی دیمشلر و الكتریق زجاجی+یه (مثبت الكتریق) و الكتریق رچنوی+یه (منفی الكتریق) تعبیر ایلمشلردر. الكتریق زجاجی بر جامك التنه و بر قاب ایچنه براز (مورور اوزی) قونیلوب جامك اوزرندن بر كدی پوستی ایله دلك و تماس ایدلدكده جذب خارجیسندن اوتوری مورور اوزلری صچرامه باشلار و رچنوی دخی بر پارچه رچنه مذكور پوست ایله دلك ایدیله+رك شاقولا اصلمش بر )مورور اوزینه) طوقوندیرلدقده دفع خاصه+سندن اوتوری مورورك رچنه+دن تباعد ایلدیكی كوریلور. وایكنجی نوعی دخی متحرك یاخود سیال دنیلان الكتریقدر و بو دخی سیلانی پك شدید اولان (اسیدازوتیك) اله (توتیا) و سائر بعض اجسامك امتزاج كمیویلرندن حصوله كلور و تلغرافله مخابرات خصوصنده استعمال اولنور