لغات تاریخیه و جغرافیه

Lugat-ı Tarihiyye ve Coğrafiyye

آلفونس

Alfons

آلفونس — اسپانیا و پورتکیز قراللرندن برچوق ذواتك اسمیدر. اسپانیاده (استوریش) قرالی برنجی (آلفونس) (٧٣٩ م و ١٢٢ ه) تاریخنده جلوس و بربریلره غلبه ایدوب اوتوز قدر شهرلرینی آلدی و ایكنجی (الفونس) (٧٩١ م و ١٧٥ ه) تاریخنده اسپانیا قرالی اولوب اسلامه خیلی خسار و )لیزبون)ی ضبط ایلدی و (٨٣٥ م و ٢٢٠ ه) تاریخنده مومی الیهك استعفاسی جهتیله یرینه كچن بیوك آلفونس (لیون) ممالكنی كندو ملكنه علاوه ایلدیسه ده اوغلی (غارثی)نك چیقاردیغی اختلاله غلبه ایدەمیوب سلطنتی تركه مجبور اولدی و پورتکیز قرالی برنجی الفونس ابتدا پدری كبی پورتکیز قونتی ایكن (١١٣٨ م و ٥٣٣ ه) تاریخنده اسلامه پك چوق غلبه ایتدیكندن و (اوریك) محاربه+سنده اسلامك بش حكمدارینی منهزم ایلدیكندن حمایه+سنده بولندیغی اسپانیا دولتی طرفندن فراللق عنوانی ویرلدی لكن توسیع ممالك طمعیله ایتدیكی بر محاربه+ده (لیون) قرالنه اسیر دوشوب ینه اطلاق اولندی و بشنجی (الفونس) دخی (١٤٣٨ م و ٨٤٣ ه) تاریخنده التی یاشنده تخته جلوس ایدوب بعدالیلوغ وصی و عمیسنی اعدام و افریقه+ده بر چوق محارباته اضاعۀ ایام ایلدی. پورتکیزلر (كینه)لری بونك زماننده كشف ایلمشلردر