الفیه — قواعد علوم عربیه+یی جامع تنظیم اولنان متون شعریه+یه
ویرلمش بر نامدر و اك مشهوری شیخ جمال الدین محمد بن مالكك فن نحوده
تنظیم ایتدیكی (الفیۀ ابن مالك)دركه حاوی اولدیغی بیك عدد بیتدن
مقاصد عربیه تماماً معلوم اولور و اوزرینه یاپیلان شروح كثیره مطالعه
اولندیغی حالده مومی الیهك درجۀ كمال و مهارتی اكلشیلور (١٢٣٠ م
) ٦٢٨ ه) تاریخنده وفات ایدن یحیی بن عید المعطینك اولجه ینه فن نحوده
تنظیم ایتدیكی ( الفیۀ ابن معطی) دخی كوزلدر و پك چوق شرحلری واردر
و (١٤٠٣ م و ٨٠٦ ه) تاریخنده وفات ایدن عبدالرحیم بن حسین العراقینك
اصول حدیثه و شیخ ابن الوردینك فن تعبیره و قباقی نك فن معانی و بیانه
و حافظ سیوطینك فنون نحو و تصریف و خطه و ابن البرماوینك علم فقهه
و ابن شحته الحلبینك فرائضه دائر تنظیم ایتدیکی الفیه+لر ایله ابو بكر الاربیلینك
بیك لغزی جامع الفیه+سی مقبول و معتبر كتابلردر