الع بك — تركستان و خراسان حكمداری تیمور زاده ) شاهرخ)ك
اوغلی و خلفیدر. بو ذات پدرینك حیاتنده خیلی زمان خراسان والیلعی
ایدوب (١٤٤٧ م و ٨٥٠ ه) تاریخنده پدرینك وفاتی جهتیله تخت موروثنه
جلوس ایلدیسه ده ایكی سنه صكره خراسان والیسی تعیین ایتدیكی اوغلی
عبداللطیف ایله بوزیشوب وقوعبولان محاربه+ده مغلوب اولدی و كمال
پریشانی ایله سمرقنده عودتنده سمرقند اهالیسی دخی قبول ایتمدیكندن ناچار
اوغلی مومی الیهه التجا ایلدی و اوغلی خائن دخی برقاچ كون حرمت
و رعایتدن صكره علیهنه بر دعواجی چیقاردوب كویا حكم شرعی ایله قصاص
ایتدیردی لكن بر سنه صكره كندوسی دخی بر فدایی یدیله اعدام
اولنوب ایتدینی بولدی.
اشبو (الغبك) سمرقندده بر مكمل مدرسه و بر رصدخانه یاپدیرمش و معارفندان
عصردن (غیاث الدین جمشید) و (قاضی زاده) و (مولانا علی قوشجی) كبی
ذوات رصدخانۀ مذكورده تعلیم و ارائۀ فنون ایتمش و الیوم دستور العمل
اولان (الغبك) زیچی مومی الیهك اثر اهمیتله تنظیم اولنمشدر