السیپیاد — آتنه جنراللرندتدر. بو ذات (٤١٤٤ خ
تاریخنده یعنی میلادك درتیوز اللی سنه مقدمنده+دنیایه كلوب اپیجه تحصیل
علوم ایتدكدن و جنراللقده براز شهرت بولدقدنصكره رئیس جمهور اولان
عمیسنه خلف اولمق سوداسنه دوشوب (پلوپوئیس) محاربه+سی اثناسنده
آتنهلولری سچلیایی استیلایه تشویق ایتدی و بو خدمتی ایفایه ارزوسی
وجهله كندوسی مأمور اولدیسه ده موفق اولمیوب بالعكس آتنهیی تهلكه یه
دوشوردیكندن غیاباً دینسزلكنه و خائنلكنه حكم اولنوب املاك و اموالی
مصادره اولندی و مرقوم دخی حكم مذكوری ایشتدیكی كبی ابتدا اسپارت
جمهوریتنه و اورادن ایران دولتنه التجا ایدوب وطنی علیهنه تشویقاته
باشلادی. اشبو السیپیاد حال شبابنده+دنیایه امثالی كلمامش صورتده
بر محبوب اولدیغندن كورنلر حیران اولمامق ممكن دكل ایدی لكن صكره.
بعض فضائلی و كاه رزائلی جامع چركین بر حریف اولدی. بو سیور ایرانه
او كوزللك زماننده كتدی ایسه كوزل قبول اولنمش ظن اولنور