) الجزیره یاخود (عراق عرب) — آسیاده دجله نهویله فرات
نهری آره+سنده واقع اراضیء جسیمه+نك اسمیدركه نهرین مذكورینك التقا ایلدیكی
محله قدر ممتد اولور و (رقه) و (موصل) و (سنجار) و ( دیار بكر)
و (بغداد) سنجاقلری اراضیء مذكوره داخلنده بولنور. بو اراضیده
چیقان التون معدنلوی و اورمانلر وقتیله غایت مشهور و طپراغی منبت ایدی.
آثوریلرك برنجی و ایكنجی سلالۀ حكمرانیسی بوراده پك چوق زمان حكومت
سوردی و صكره اسكندر رومی و ایران و سوریه حكمدارلری و روما
و پارتیا دولتلری ادارە+سنه چقوب داها صكره سلطنت اسلامیه جانبندن
فتح اولندی و بر مدت امویلر و عباسیلر و بر آرهلق ایرانیلر و مغوللر و (١٤٠٠ م
و ٨٠٣ ه) تاریخنه طوغری تموریلر و بر عصر صكره دور سلطان (سلیمان)
خانیده دولت علیه تصرف ایلدی.
بو اراضی+یه (مزوپوتامیا) دخی دیرلر. اندلسده دخی (الجزیره) نامنده
بر محل وار ایدی