التون — معادنك كافه+سندن عزیز وقیمتلو بر معدندر و ثقلت
اضافیه+سی (١٩.٥)در و بیك ایكبوز درجۀ حرارتده مذابدر و قوۀ
تطرقیه و انجراریه+سی بالجمله معادندن زیاده اولدیغندن بر (عشر معشار)
زراع اعشاری ثخننده ورق حالنه كتوریله بیلور و غایت یومشاق اولدیغندن
سكه ضربیچون بر مقدار باقر قارشدیریلور. آلتون قطعات خمسۀ ارضك
برچوق یرلرنده و خصوصیله آمریقاده قالیفورنیاده و اوسترالیا قطعه+سنده
وروسیه+ده اورال طاغلرنده و ممالك عثمانیه+نك بیغا سنجاغنده واقع سرچیلر
نام محلده و سلانیك حوالیسنده كوچك دانه و پوللر شكلنده ویاخود كموش
و قورشون و باقر ایله مخلوط اوله+رق بولنمقده و چوق كمسه+لر تحریسیله اشتغال
و تعیش ایتمكده+در آلتونی حاوی اولان قوم و تراب دقتله غسل و قوم و ترابك
زیاده+سی دفع اولندقدنصكر آلتوننك تخمیناً التی مثلی جیوه و ضعیله تحریك
اولنور ایسه آلتونی آیریلور و اكر آلتون كموش و باقر و سائره+یی حاوی
اولور ایسه پیلاتنه+دن معمول قابلر دروننده كسكین حامض كبریت یعنی
)تیزاب) ایله تغلیه اولنور و اثنای تغلیه+ده اجسام سائره تیزاب ایله
امتزاج ایدوب فقط آلتون ترسب ایتمكله اخذ و استعمال ایدیلور.
ثقلت اضافیه+سی اون طقوز دیمك مساوی حجمدە+كی آلنون صودن اون
طقوز قات اغر دیمكدر. آلتونك عیاری مقدما یكرمی درت ایكن مؤخراً
بیك اعتبار اولنمشدر بوندن نقدر نقصان سویلنور ایسه او نقصان مواد
سائره دیمك اولور. كموشك شمدیكی عیاری دخی یوزدر