الب ارسلان — ملوك سلاچقه+دن بر مشهور ذاتدر. بو ذات
پدری سلطان (طغرل) طرفندن خراسان والیسی ایكن پدرینك (ری)ده وفات
ایدوب یرینه قرنداشی سلیمان شاه جلوس ایلدیكنی خبر الدیغی كبی مستوفی
عسكر ایله كیدوب قرنداشی مومی الیهی حرباً اخذ و احناق ایدرك تخته
اوتوردی و اناطولیده استقلال داعیه+سنه دوشن عمی زاده+سی (قتلمش)ك
غائله+سنی دخی بتوردیدنصكره كرجستانده واقع مشهور )انی قلعه+سنی
كلیتلو تلفاتله آلدی و آسیای وسطاده+كی حكومات صغیره+نك كیمنی حرباً
و كیمنی صلحاً و كیمنی دخی صهریت پیدا ایدرك ارثاً آلوب پك چوق شهرت
قزاندی و بغدادده+كی خلیفه (قائم بامرالله)ك اختلالات داخلیه+دن
صیقیلوب استمداد ایلمسی اوزرینه انی دخی حمایه ایلدیكندن خلیفۀ مشارالیه بالجمله
ممالك عباسیه+نك ادارۀ مادیه+سنی كندیسنه تودیع ایلدی و یونان ایمپراطوری
)رومن) (١٠٦٩ م و ٤٦٢ ه) تاریخنده فرانقلردن و كرجیلردن الدیغی
عساكر معاونه ایله برابر ایكیوز بیك كشیلك بر اردو ایله ارضرمدن اوزرینه
یوریدیكنی مشارالیه پای تختندن بعید بر محلده حربله مشغول ایكن خبر الدیغی
كبی یاننده+کی عسكرك یكرمی بیك كشیدن عبارت بولنمسی جهتیله عقلی باشندن
كیدوب ناچار حاضریله مقابله+یه مجبور اولدی و بو حال نومیدی ایله ایتدیكی
ایلك حمله+ده محاربه+یی قزاندی و ایمپراطوری طوتوب ینه عفو و اطلاق
ایلدی. (مشارالیهك بو غوغایه كیرركن طپراقلر اوستنه قپانه+رق ایتدیكی
تضرع و نیاز و عسكره ویردیكی دسقور ایله مأیوسانه و فداكارانه هجوم قوماندا سی
تفصیل اولنمش اولسه طاقت كتوریلور شیء دكلدر) مشارالیه محاربۀ مذكوره+دن
اوچ سنه صكره ماوراءالنهرده بر محلده محاربه ایدركن اولجه كوجندیرمش
اولدیغی بر بیوك ضابطك غدریله شهید اولوب یرینه اوغلی مشهور (ملكشاه)
جلوس ایلمشدر. الب ارسلان ابدا نفاقی سومز و عبادات و طاعاتی ترك ایتمز
حمید الخصال بر صاحب جلال ایدی. تحصیل علوم ایچون مدرسه انشاسنی
ابتدا بو ذات درخاطر ایتمش و نیشابورده غایت منتظم بر مدرسه یاپدرمشدر
مدت سلطنتی اون سنه