آبقا خان یاخود (آباقا خان) — معهود هلاكونك اوغلیدر
١٢٦٣ م و ٦٦٣ ه) تاریخنده پدرینك وفاتیله تخته جلوس ایتدیكی كبی فن
انشاده مهارتی مشهور و مسلم اولان (شمس الدین جوین)ی وزیر اعظم یاپدی
و عدل و حقانیتی التزام ایدرك پدرینك مظالم و تعدیاتنی اپیجه اونوتدیردی
و صاحب الادوار (عبدالمؤمن) و خطاط مشهور (یاقوت المستعصمی) كبی
ارباب معارف و ادبایی جلب و حقلرنده حرمت و رعایت ایتدیكندن اطرافدن
پك چوق علما و فضلا كلوب مستغرق لطف و احسانی اولدی.