)آب — لسان عبرانی و سریانیده ماه اغستوسدر لكن عبرانیلر و سریانیلر ابتدای سنه+یی (تسری) یعنی تشرین اول اعتبار ایتدكلرندن انلره كوره اغستوس یاخود (آب قمریه) اون برنجی و تاریخ شمسیء فرنكی حسابنجه ابتدای سنه كانون ثانی اولدیغندن سكزنجی و تاریخ رومی حسابنجه یعنی اسكی رومالیلرجه مارتدن اعتباراً التنجی آی صاییلور. (اغستوس) كلمه+سنه دخی نظر بیوریله
نصاری اقانیم ثلثه+دن اقنوم اوله (آب) دیرلر مرادلری پدر معناسنه اولان ابدر و همزە+نك مدی لغت سریانی+یه اتباعاً سائر پدرلردن تمییز ایچوندر. (آب حیاة) بعض اقواله كوره حضر و الیاس علیهما السلامك ظلماتنده ایچوب الی یوم القیام برحیات اولدقلری صودر و اصطلاحات صوفیه+ده حضر بسط قلبدن كنایه اولدیغی كبی آب حیاة دخی علم لدن معناسنه بر مثالدر (آب حیوان) و (آب حضر) دخی دینور و بعضاً عشق الهیدن دخی كنایه اولور ابن بطوطه قولنجه چینده (سیر) نامیله معروف اولان بر نهره (آب حیاة) دخی دیرلر ایمش و بو نهرك منبعی خان بالق شهری جوارنده+كی میمون طاغلری و بحره منصب اولدیغی محل زیتون قصبه+سی ایمش. (آب زلال) ایرانده شستر قصبه+سی جوارنده بر نهردر و صویی غایت خفیف و لطیف و صغوق اولدیغیچون بو نامی المشدر یونانیلر بو نهره مقدما (اولیوس) دیرلر ایدی. (آب روان) یاخود چشمۀ روان طبرستانده بر طاغدن نبعان ایدن صودربعض ایرانیلرك اعنقادینه كوره بر آدم بو صویك منبعنه سسلنور ایسه درحال كسیلور و او آدم اورادن كتمدكجه اقماز ایمش.
)آب خورشید) اسكی شمس پرست علماسی لساننجه حیاة دیمكدر زیرا بونلر تجلی روحی فیض شمسدن عبارت زعم ایدرلر ایدی.