آلاریق — یاخود (آلاریس) — وقتبله اوروپایی زیر و زبر
ایدن (ویزیغوت) طائفۀ وحشیه+سنك رئیس یاخود قرالیدر. بو قهرمان
ابتدا (تراسیا) و (ماكدونیا) و (یونانستان) ممالكنی اوروب خراب
و مستوفی عسكر ایله قارشوسنه چیقان روما شرق ایمپراطورینی مغلوب و بی
تاب ایتدكدنصكره (٤٠٩ م) تاریخنده اوروپانك غرب طرفنه كچوب درت
سنه ظرفنده غوللری دخی پریشان ایتدی و كندو سنه عرض انقیاد
ایدن بتون غول ملكنده بر قرالیت تشكیل ایلدی و بو استیلا و تشكیلات
غصب ممالك دیمك اولدیغندن روما دولتنك نفوذ و اقتدارینه كركی كبی
نقیصه كتوردی لكن مرقوم دخی بو مظفریتندن صكره بر سنه+دن زیاده یشامدی