آقلیدیس — قدمای ریاضیوندندر. بو ذات (٥٢٧٤ خ
تاریخنده یعنی میلادك اوچیوز یكرمی سنه مقدمنده اسكندریه+ده ریاضات
خواجه لكی ایتدی و مصر حكمداری (لاكوس) درسنده بولندی.
مومی الیهك علوم ریاضیه+یه دائر اون بش مقاله+یی جامع قلمه آلدیغی
كتابده محرر اولان (هندسه) بحثی الیوم اساس فن اوله+رق اوروپاده
تدریس اولنمقده+در و موسیقی بحثنده اصواتك آهنكنی تعریف یولنده
بر مقدمه+سی واردر اشكال ذوكثیرة الاضلاعك نقسیماتنی مبین دیكر
بر تألیفی دخی ایشیدلمشدر و مجموع تألیفاتی (١٨١٤ م و ١٢٣٠ ه) تاریخلرنده
و دها صكره+لری فرانسزجه+یه ترجمه و اوچ جلد اوله+رق طبع اولنمشدر