اپشیر پاشا — دولت عثمانیه وزراسندندر بو ذات والی بولندیغی
یرلرده برقاچ دفعه عصیان ایدوب ینه عفو اولنمش و بعض خصوصدن
طولایی یكیچریلرك عداوتنی قزانمش ایدی (١٦٥٣ م و ١٠٦٤ ه ) تاریخنده
صدارته تعیین اولندیغی كبی اولكندن زیاده عظمت پیدا و شام شریفدن
درسعادته کلنجه+یه قدر یوللرده تصادف ایتدیکی سرسریلری محروم اولدقلری
تیمارلرینی اعاده وعدیله جلب و قپو خلقنه علاوه ایدرك جمعیتنی قرق اللی بیكه
ابلاغ ایلدیكندن درسعادتده بولنان رجال دولت و یكیچریلر قوجونمغه و نیتی
نه ایدوكنی دوشونمكه باشلادیلر و غایت اغر حركت ایتمسندن و بر ان اول
تشریفلری مقتضیدر دیو یازدقلری كاغدلره هیج بر جواب ویرمیوب
استفنی بوزمدیغندن عادتا قورقدیلر و نهایت كلوب مقامنه اوتوردیغنك
ایكنجی آینده یكیچویلر صدر سابق مراد پاشانك تحریكیله حاضرلدقلری
فتنه+یی اویاندیروب ابشیر پاشایی و طرفداری اولان شیخ الاسلام
)ابوسعید) افندی+یی استه+میز دیدیلر و پك چوق غلغله و شماتتله پاشای
مومی الیهی قتل و ابوسعید افندی یی نفی ایتدیروب مراد پاشایی مقام صدارته
اوتورتدیلر و یدی آی صكره سپاهیلرله برابر ینه ایاقلنوب آت میدانندن
اون سكز كشینك اعدامیچون سرای همایونه خبر كوندردیلر و عاقبت
بو سوزلرینی دخی یوریدوب اندن صكرە طاغلدیلر. اشبو اون سكز كشینك
ایچنده حرم همایوندن بعض كمسه+لر و دارالسعاده اغاسی دخی وار ایدی.