آق شمس الدین — حاجی بیرام ولی خلفاسندن و كبار
اولیاء اللهدن بر ذاتدر و اصلی بكپازارلیدر. شیخی مشار الیه وفات
ایتدكدنصكره انقرەدن (كوینك) قصبه+سنه هجرت بیورمشیدی قصبۀ
مذكوره+ده ارشاد عبادله مشغول اولان ینه حاجی بیرام ولی خلفاسندن
قطب الزمان (عمر السكینی) حضرتلرینك مریدلری زیاده و توجهلری
مؤثر اولدیغندن آق شمس الدین حضرتلری عمرالسكینی حضرتلرینه
ارشاددن ممنوعدر واكر واز تچمز و مریدلرینی طاغتمز ایسه كلوب تاج
و خرقه+سی آلنه جقدر دیه+رك خبر كوندردیكندن عمر السكینی حضرتلری
بز آنك آله جغی تاج و خرقه+یی كندو الیمزله یاقهرز دیه+رك چیقاروب آتشه
اتدی یاخود ارشاددن ممنوع اولمدیغنی اثبات ایچون بر آتش یاقدیروب
و تاج خرقه+سیله برابر ایچنه كیروب برقاچ ساعت اوتوردی مشارالیه
و ایكی طرفك مریدلری بو حالی كورمكله اختلاف بر طرف اولدی.
طریقت ملامیۀ بیرامیه+ده تاج و خرقه كبی البسۀ مخصوصه اكتساسنك
ممنوعیتی بو وقعه+دن طولاییدر. واقعا حاجی بیرام ولی حضرتلری وفات
ایتدكدنصكره آق شمس الدین حضرتلری انقرە+ده پوست نشین اولمشیدی
لكن قطبیت عمر السكینی حضرتلرنده ایدی.
فاتح حضرتلری استانبولك فتحنه قیام ایتدیكی اثناده حاجی بیرام ولی
حضرتلرندن دعا رجا و طرفلرندن ایكی ذاتك برابر بولنمسنی نیاز ایلدیكندن
مشار الیه حضرتلری دخی (آق بیق) سلطان ایله اشبو آق شمس الدین
حضرتلرینی كوندرمشدر و اثر دعای سنیه+لریله فتح میسر اولدقدن صكره
)ایوب الانصاری) حضرتلرینك اولوقته قدر زیر زمینده مستور و مجهول
اولان قبر عالیلرینی كشفله بولوب خبر ویرن ) آق شمس الدین
حضرتلریدر و وفاتی (١٤٥٩ م و ٨٦٤ ه) تاریخنده و تربۀ عالیلری
طوبره+لی قصبه+سنده+در عالم و فاضل بر ذات ایدی علم طبه وقوفی دخی
مرویدر.