آقسرای — نیكده سنجاغنه تابع نوشهر قضاسنك جنوب
غربیسنده و قونیه+نك شمال شرقیسنده و التمش میل بعدنده بر قضا مركزیدر.
بو شهرك متین بر قلعه+سی و كوزل بغچه+لری و بیوك بر طوزله كولی واردر
اشبو كولدن حاصل اولان طوزك همان اناطولی+یی اداریه كفایتی تخمین
اولنمقده+در. بو شهری (١٢٠٢ م و ٥٩٩ ه) تاریخنده عزالدین قلیج
ارسلان بن مسعود سلچوفی) اعمار ایتدی و (١٣٩٠ م و ٧٩٣ ه) تاریخنده
سلطان (یلدیرم بایزید) خان حضرتلری ضبط ایلدی و (١٤٦٧ م
و ٨٧٢ ه) تاریخنده فاتح سلطان (محمد ثانی) حضرتلری قرمان ولایتی
اهالیسنی تأدیب و ولایت مذكورەیی امیری قرمان اوغلی یدندن نزع
ایلدیكی صرە ده شهر مذكوردن دخی برچوق اصناف كتوردوب
درسعادتده الیوم اقسرای دنیلان محله+یه اسكان ایلدی